السلام عليكم
صباحكم / مسائكم رضاء وسعادهـ
ترى من جد أكرهها ياعالـم ناشبـه فينـي
تغير دايـم الأرقـام عشـان أرد وأكلمهـا
لعنة اليوم ذاك اللي جمع نظراتهـا بعينـي
وصرت أتمنى ذاك اليوم يجي فجأه وأودعها
حرام أقول يـا فلانـه روحـي لا تحبينـي
وحرام أبقى معاها كذب على إني أطاوعهـا
حرام أكسر محبتها وأبيـن قولـة إنسينـي
حرام أكذب على نفسي على إني أنـا معهـا
انا أذكر قلت أبي أرحـل قالـت لا تخلينـي
وصار الدمع على الخدين يغير من ملامحها
وقالت لا رحلت إنته جعـل موتـي ينادينـي
مع إني قاس (ن) ٍمعها كأني كنـت أدلعهـا
طفلـه.. لينـت قلبـي ودلتنـي عناوينـي
وذبت أنا معاها صدق وصعب إني أفارقهـا
خذت روحـي بلطافتهـا وميانتهـا تكفينـي
وصرت أخشى دموع العين تنزل من مدامعها
وصار الكون في كفه وهي صارت تكفينـي
ملاك ٍ لاحشى والله عجـزت إنـي أشبههـا
وكل ما أشوفها والله أقـول إنتـي تودينـي
أخاف إنها تصرفني مثل مـا أنـا أصرفهـا
ياعالم شكلها بتقول ترى هذا نشـب فينـي
وأصير أنا الغبي اللي يفكـر بـس يكلمهـا