موضوع غريب

بسم الله الرحمن الرحيم

شباب المنتدى ,,, اليوم حاب اكلمكم في موضوع خيالي جدا جدا طبعا لاهو منقول ولا شي يعني من اجتهادي و اجتهاد الشباب يلي معاي ( الموضوع غريب جدا جدا ).

س/ وش الفرق بين البصر و البصيرة ( مواضيع تحس انها من ايام التابعين )
ج / البصر في العين و البصيرة في القلب .
يلي اباكم تعرفوه انه يوجد داخل كل انسان قدرة على التبصر ( معرفة الامور الخفية ) او الروحية او التي هي فوق الانسان اعذروني بس كلامي راح يكون كبير شوي على أدمغتكم .بس صدقوني انا احب اتكلم في ذي الامور

كلنا نملك عينين صح ولا لأ ؟؟؟ ايوة صح ..... بس يلي ما تعرفوه اننا نملك عين ثالثه و هذا شي اغلب الناس يعرفوه .... الكل حيسأل وين ذي العين الثالثة ؟؟ انا حقول لكم مكانها ووظيفتها و كيف تشتغل كمان ..

داخل دماغ كل انسان ثوجد قناة أسمها ( باينيل غليند ) و هي مسؤولة عن الاحلام و مرحلة ماقبل الموت , يعني الانسان قبل ما يموت ( نسال الله لنا و لكم السلامة ) تفرز هذه القناة كمية مواد كيميائية و هيا يلي تخلينا نفتكر حياتنا كلها في ثواني . و كمان و احنا نايمين وقت الحلم , هذه القناة هي المسؤولة على تصور الحلم لنا فسبحان الله .

نجي لمكانها . .. مكان العين الثالثة هو في الجبهة و بين العينين ولكن في الداخل و في بعض الاشخاص تكون عندهم هذه المنطقة فعالة جدا فتلاقيهم يحسوا بالمشكلة قبل وقوعها ( صارت معاكم قبل كده ؟ )

طيب كيف تشغل عينك الثالثة ؟؟؟؟

الطريقة الاولى ( الصحيحة ) هي بالسجود سبحان الله المنطقة يوم تكون ساجد تضخ كمية جيدة من المواد و تخلي وعيك أفضل .

الطريقة الثانية ( العادية ) و هي مواد موجودة في كل مكان و على كل شبر في الارض و اسم المادة dmt و هي مادة كيميائية .

الطريقة الثالثة ( الغلط ) الاستغلال السيئ لل dmt و تصنيع مخدر منه . مثلا عندك مواد كيميائية تخلطها ببعض و هي موجودة هنا و نتيجتها تكون الهلوسة الابدية أو شرب بعض النباتات من المناطق الجبيلة مثل ( الايوسكا ) و هذي نادر ما تلاقيها و تأثيرها يكون لمدة 5 دقائق فقط !!! بس اييييييش مو أي خمس دقائق الشخص راح يكون في عالم حقيقي بس في نفس الوقت عالم اخر و اول ما يفوق المتعاطي راح يتغير تفكيره بالعالم يلي هو عايش فيه 999999 درجة !! بس اعطيه كم يوم و حيرجع زي ماكان .